প্ৰশ্ন: অসমীয়া লিপিৰ উদ্ভৱ আৰু ক্ৰমবিকাশ সম্পৰ্কে লিখা।(Question Asked in Every UPSC-CSE,Assamese Literature Optional)

****অসমীয়া লিপিৰ উদ্ভৱ আৰু ক্ৰমবিকাশ****

প্ৰশ্ন: অসমীয়া লিপিৰ উদ্ভৱ আৰু ক্ৰমবিকাশ সম্পৰ্কে লিখা।(Question Asked in Every UPSC-CSE,Assamese Literature Optional)

(TOPIC: অসমীয়া লিপিৰ উদ্ভৱ আৰু ক্ৰমবিকাশ/Paper-1, Assamese Letarature Optional For UPSC-CSE & APSC-CCE)

উত্তৰ: উত্তৰ পূব ভাৰতৰ এটা উল্লেখনীয় লিপি অসমীয়া লিপি অতি প্ৰাচীন তথা সমসাময়িক ভাৰতবৰ্ষৰ বৃহৎ ভাষাগোষ্ঠীসমূহৰ সমগোষ্ঠীয়।

অসমীয়া লিপি সম্পৰ্কীয় সৰ্বজনগ্ৰাহ্য মতামতটো হৈছে যে এই লিপি ব্ৰাহ্মী লিপিৰ পৰা উৎকীৰ্ণ। "অসমীয়া প্ৰাচীন লিপি" নামৰ গ্ৰন্থত ডঃ সৰ্বেশ্বৰ কটকীয়ে লিখিছে যে ব্ৰাহ্মী লিপি প্ৰথম,কুশানলিপি দ্বিতীয়,গুপ্ত লিপি তৃতীয় আৰু এই গুপ্ত লিপিৰ পূৰ্ব ভাৰতীয় কুটিল লিপি চতুৰ্থ, এই কুটিল লিপিৰ পৰিৱৰ্তন তথা সংমিশ্ৰণ ঘটি ঘটা কা hiমৰূপী লিপি বা পুৰণি অসমীয়া লিপিয়ে পূৰ্ব ভাৰতীয় ভাষাৰ বংশ-লতিকাত পঞ্চম স্থান অধিকাৰ কৰিছে তথা ইয়েই পৰৱৰ্তী কালত অসমীয়া লিপি হিচাপে আত্মপ্ৰকাশ কৰিছে। মহেশ্বৰ নেওগ,ডঃ সুনীতি কুমাৰ চট্টোপাধ্যায়,টি. পি.বাৰ্মা আদি বিশিষ্ট পণ্ডিতসকলেও এই মততে সহমত পোষণ কৰিছে।(Underlining Important)

কিন্তু বৰ্তমানে কুটিল লিপিৰ পৰা অসমীয়া লিপি জন্ম হোৱা ধাৰণাটো সম্পূৰ্ণৰূপে মানি লোৱা হোৱা নাই কিয়নো কুটিল লিপিৰ জন্ম(ষষ্ঠ শতিকা)ৰ আগতেই অসমত পঞ্চম শতিকা মানৰ পৰাই শিলালিপিৰ নিদর্শন পোৱা গৈছে আৰু এই লিপিবোৰৰ আখৰবোৰ গুপ্ত লিপিৰ কাষ চপা। ডঃ উপেন্দ্ৰ নাথ গোস্বামীৰ মতে অসমীয়া লিপিৰ মূল ব্ৰাহ্মী আৰু তাৰ পৰৱৰ্তী গুপ্ত লিপি,ইয়াক কুটিল লিপিৰ লগত সাঙোৰাৰ যুক্তি নাই।(Underlining Important)

উদাহৰণস্বৰূপে,এতিয়ালৈকে প্ৰাপ্ত অসমীয়া লিপিৰ প্ৰাচীনতম নিদৰ্শন খ্রীষ্টিয় পঞ্চম শতিকাৰ 'নগাজৰী খনিকৰ গাওঁৰ শিলালিপি' তথা তাৰ পৰৱৰ্তী কালৰ কামৰূপৰাজ সুৰেন্দ্ৰবৰ্মাৰ 'উমাচল শিলালিপি'ৰ আখৰবোৰ গুপ্ত লিপিৰ কাষ চপা। সপ্তম শতিকাৰ ভাস্কৰ বৰ্মাৰ তামৰ ফলিৰ আখৰবোৰত ব্ৰাহ্মী আৰু গুপ্ত লিপিৰ আখৰৰ পৰম্পৰা ৰৈ যোৱা দেখা যায়।এই তাম্ৰ শাসনসমূহৰ ভিতৰত 'ডুবি' আৰু 'নিধনপুৰ'ৰ তামৰ ফলিৰ আখৰবোৰ(যেনে: ক,ব,ল আদি)একেবাৰে আধুনিক ৰূপৰ।কোণীয়া বা ভাঁজ থকা এই আখৰসমূহকে কিছুমান পণ্ডিতে কুটিল ৰূপ বুলিছে।

নৱম-দশম শতিকাত তামৰ ফলিৰ আখৰে আধুনিক আখৰৰ গঢ় লবলৈ উপক্ৰম কৰে। আ-কাৰ,ই-কাৰ আদিৰ পৰিৱৰ্তন সাধিত হয় তথা ব্যঞ্জন বৰ্ণ আৰু যুক্ত ব্যঞ্জন বৰ্ণই আধুনিকতাৰ  কাষ চাপে।এই পৰিৱৰ্তনে পূৰ্ণ ৰূপ লৈ খ্রীষ্টিয় ত্রয়োদশ শতিকাৰ 'কানাই বৰশী বোৱা' শিলালিপিত অসমীয়া লিপিয়ে পূৰ্ণতাৰে আত্মপ্ৰকাশ কৰে।
এই সময়লৈ অসমীয়া লিপিক পুৰণি অসমীয়া লিপি বা কামৰূপী লিপি বুলিব পাৰি।

মধ্যযুগীয়া অসমীয়া লিপিৰ নিদর্শন আমবাৰী শিলালিপি,চৰ্যাগীতিকোষ,কামাখ্যা মন্দিৰৰ শিলৰ ফলি,মহাৰাজ নৰনাৰায়ণৰ মুদ্ৰাৰ লিপি আদি।এই সময়ছোৱাত 'অসমাক্ষৰ বা আহোম লিপি' আৰু 'হেন্দুৱান বা হিন্দু অক্ষৰ' লিপিৰ প্ৰচলন আছিল। তাৰোপৰি আহোম ৰাজধানী গড়গাঁওক কেন্দ্ৰ কৰি 'গঁড়গঞা লিপি',কায়স্থসকলে ব্যৱহাৰ কৰা 'কায়থেলী লিপি' আৰু সংস্কৃত টোলসমূহক কেন্দ্ৰ কৰি 'বামুনীয়া লিপি'য়ে গঢ় লৈ উঠিছিল।

লিপিসমূহ সময়ৰ সোঁতত সানমিহলি হৈ কেতিয়া আধুনিক অসমীয়া লিপিৰ জন্ম দিলে কোৱা টান।কিন্তু ১৮১৩ চনত আত্মাৰাম শৰ্মাই অসমীয়া বাইবেল পুথিখন ছপা কৰি উলিওৱাৰ লগে লগে আধুনিক অসমীয়া লিপিৰ আৰম্ভণি হয়।মিছনেৰীসকলে সাঁচিপতীয়া পুথিৰ আখৰৰ আৰ্হি গ্ৰহন কৰে।মাত্ৰ কৃ, হৃ, কু, হু আখৰৰ পুৰণি ৰূপ সলনি কৰি ইয়াক আধুনিক ৰূপ দিয়ে।পৰৱৰ্তী পৰ্যায়ত ৰবিনছনৰ 'অসমীয়া ব্যাকৰণ' তথা 'অৰুনোদই'ৰ প্ৰকাশে লিপিটোক পৈণত কৰিলে।

লিপিৰ উদ্ভৱৰ লগে লগে ভাষা আৰু সাহিত্যৰ উন্নয়নৰ গতিও ত্বৰান্বিত হয়।ভাষা বৃক্ষৰ সৌৰভময় পুষ্পপাহ অংকুৰিত হয়।
(সমাপ্ত)

(গোটেই খিনি line by line মনত ৰাখিব নালাগে।Important content খিনি মনত ৰাখি নিজৰ ভাষাত পৰীক্ষাত লিখিলে হ'ল।)
(To be Continued)

By,Hemen Sara
Civil Service School
70024-05918(Telegram/WhatsApp) 
civilserviceschool2018@gmail.com
********************************************    

Comments

Post a Comment

Popular posts from this blog

West Asian Theatrics(পশ্চিম এছিয়াৰ নাটকবাজী)

West Asian Theatrics (পশ্চিম এছিয়াৰ নাটকবাজী) হেমেন শৰ্মাৰ বিশ্লেষণ। পশ্চিম এছিয়া বুলি ক'লে আৰৱীয় উপদ্বীপ(Arabian Peninsula)ৰ দেশসমূহ,ইৰাণ,ইৰাক, ছিৰিয়া,পূৱ তুৰস্ক,জৰ্জিয়া, আৰ্মেনিয়া,আজাৰবাইজান,ইজৰাইল,জৰ্ডান,পেলেষ্টাইন,চাইপ্ৰাছ আৰু ইজিপ্টৰ চিনাই উপদ্বীপক সামৰি থকা ভূ-খণ্ডক বুজা যায়। এই অঞ্চলটো সদায়ে যুদ্ধ বিধ্বস্ত। ইজৰাইল ৰাষ্ট্ৰ গঠন ১৯৪৬ চনত। দ্বিতীয় বিশ্বযুদ্ধৰ সময়ত হিটলাৰৰ নাজী বাহিনীৰ ক'নচেণ্ট্ৰেচন কেম্পত লাখ লাখ ইহুদীক জাইক্ল'ন-বি গেছ দি হত্যা কৰা হৈছিল।দ্বিতীয় বিশ্ব যুদ্ধৰ সময়ৰ পৰাই ইহুদীসকলে পশ্চিম এছিয়াৰ এই ভূ-খণ্ডত বসবাস কৰিবলৈ আৰম্ভ কৰে।মুছলিম দেশৰ ভিতৰত প্ৰথমতে তুৰ্কী আৰু তাৰ পিছত ইৰাণে ইজৰাইলক স্বাধীন ৰাষ্ট্ৰ হিচাপে স্বীকৃতি দিয়ে। ১৯৭৯ ৰ ইছলামিক ৰিভ'লিউচনে ইৰাণত পশ্চিমীয়া দেশৰ সমৰ্থনপুষ্ট ধৰ্ম-নিৰপেক্ষ পহ্লবী বংশৰ শাসন আঁতৰাই আয়াতোল্লাহ ৰুহোল্লাহ খ'মেইনিৰ অধীনত ইছলামিক শাসন প্ৰতিষ্ঠা হয়। এই শাসনে আমেৰিকা আৰু ইজৰাইলক শত্ৰু জ্ঞান কৰিবলৈ লয়।ইছলামিক ৰিভ'লিউচনৰ ঠিক পিছতেই ১৯৮০-১৯৮৮ চনলৈ ইৰাক-ইৰাণৰ যুদ্ধ হয়।ইৰাণ ছিয়া বসতিপ্ৰধান দেশ।ইৰাকৰ ছাদ্দাম হুছেইনৰ বাথ...
Read more

সাম্প্ৰতিক ঘটনাৱলী/জুন-২০২৫ (Current Affairs,June-2025)

সাম্প্ৰতিক ঘটনাৱলী/জুন-২০২৫ হেমেন শৰ্মাৰ দ্বাৰা প্ৰস্তুত। ১) বিশ্ব স্বাস্থ্য সংস্থাৰ মহামাৰী চুক্তি(WHO Pandemic Agreement): বিশ্ব স্বাস্থ্য সংস্থাৰ এই চুক্তিখনৰ জৰিয়তে মহামাৰী নিবাৰণ তথা মহামাৰী প্ৰতিৰোধৰ বাবে কেনেদৰে সাজু হব লাগিব তথা মহামাৰীৰ সময়ত কি কৰা উচিত,এইবোৰৰ বিষয়ে আলোকপাত কৰা হৈছে। ভাৰত এই চুক্তিৰ স্বাক্ষৰকাৰী।এই চুক্তিৰ এক প্ৰধান  অংগ হৈছে- পেথ'জেন একচেচ্ এণ্ড বেনিফিট শ্বেয়াৰিং চিষ্টেম(PABS)।বিশ্বৰ ৬০ খন দেশে ইয়াত আনুষ্ঠানিক অনুমোদন দিলে এইখন বলৱৎ হব।শেহতীয়াকৈ ২০২৫ চনৰ মে' মাহত ৱৰ্ল্ড হেলথ এচেম্বলী ত এইখন গৃহীত হৈছে। ২) ন্যায়াধীশ যশৱন্ত বাৰ্মাৰ বিৰুদ্ধে মহাভিযোগ(Impeachment)ৰ অভিযোগ সংসদৰ বৰ্ষাকালীন অধিবেশনত উত্থাপনৰ যো-জা চলিছে। For the motion of impeachment to be moved, the resolution requires the support of 50 MPs if it is to be moved in the Rajya Sabha and 100 MPs if moved in the Lok Sabha. The motion of impeachment can be moved in either House. মহাভিযোগৰ প্ৰস্তাৱ ৰাজ্যসভাত উত্থাপন হ’লে ৫০জন সাংসদৰ আৰু লোকসভাত উত্থাপন হ’লে ১০০জন সাংসদৰ সমৰ্থনৰ প্ৰয়োজন। অভিযোগনা...
Read more

সাম্প্ৰতিক ঘটনাৱলী(মে' ২০২৫)/ Current Affairs: March 2025

সাম্প্ৰতিক ঘটনাৱলী (মে' ২০২৫) Join Us: https://t.me/CivilServiceSchool প্ৰস্তুতকৰ্তা- হেমেন শৰ্মা। ১) কেৰালাত আকৌ নিপা ভাইৰাছৰ আবিৰ্ভাৱ হৈছে।এই ভাইৰাছৰ স্বাভাৱিক বাসস্থান হৈছে ফল খোৱা বাদুলী,সেয়ে এইবোৰৰ অধ্যয়ন অতীৱ প্ৰয়োজনীয়।নিপা ভাইৰাছৰ গতি-প্ৰকৃতি নিয়ন্ত্ৰণৰ বাবে জেনেটিক চিকুয়েন্স বা জিনীয় অনুক্ৰমণৰ তথ্য ৰাজহুৱাভাৱে উপলব্ধ হোৱাটো প্ৰয়োজনীয় তেতিয়াহে বাংলাদেশ বা অন্য ঠাইত হোৱা নিপাৰ প্ৰকাৰৰ লগত ইয়াৰ পাৰ্থক্য ধৰিব পৰা যাব। ২) এক দুৰ্যোগ হিচাপে - তাপ প্ৰবাহ(Heat Wave): ভাৰতীয় ৰিজাৰ্ভ বেংকৰ এক সমীক্ষা মতে ২০২৪ বৰ্ষত তাপ প্ৰবাহে ব্যক্তিৰ স্বাস্থ্য আৰু জীৱিকাৰ প্ৰতি ভাবুকি কঢ়িয়াই আনিছে, যাৰ ফলত ভাৰতৰ জিডিপিৰ প্ৰায় ৪.৫% ক্ষতি হৈছে। ৩)আই এম ডিৰ মতে ৫০ বছৰৰ গড় ৮৭ চে.মি.ৰ ৯৬%ৰ পৰা ১০৪% বৰষুণৰ পৰিমাণ ‘স্বাভাৱিক(Normal)’ বুলি গণ্য কৰা হয়। দীৰ্ঘকালীন গড়ৰ ৯০%তকৈ কম বৰষুণক ‘অভাৱী(Deficient)’ বুলি গণ্য কৰা হয়; ৯০%ৰ পৰা ৯৫%ৰ ভিতৰত ‘স্বাভাৱিকৰ তলত(Below Normal)’; ১০৫%ৰ পৰা ১১০%ৰ ভিতৰত ‘স্বাভাৱিকৰ ওপৰত(Above Normal)’; আৰু ১১০%তকৈ অধিক বৰষুণক ‘অতিৰিক্ত(Excess)’ বৰষুণ বুলি গণ্য কৰা হয়। ভাৰতৰ ক...
Read more