মধ্যযুগৰ অসমীয়া লিপিৰ শ্রেণী বিভাজন

*****মধ্যযুগৰ অসমীয়া লিপিৰ শ্রেণী বিভাজন:*****

(ভিতৰত থকা Content খিনিৰ প্ৰশ্ন UPSC-CSE ত আগতে আহিছে ।)

খ্ৰীষ্টীয় ত্রয়োদশ শতিকাৰ প্ৰথমাৰ্ধত খোদিত উত্তৰ গুৱাহাটীৰ 'কানাই বৰশী বোৱা' শিলৰ ফলিক মধ্যযুগীয়া অসমীয়া লিপিৰ প্ৰথম নিদর্শন ৰূপে সাব্যস্ত কৰিব পাৰি।এই যুগৰ অন্যান্য লিপিসমূহ হৈছে আমবাৰী শিলালিপি,চৰ্যাগীতিকোষ,কামাখ্যা মন্দিৰৰ শিলৰ ফলি,মহাৰাজ নৰনাৰায়ণৰ মুদ্ৰাৰ লিপি ইত্যাদি।

ষোড়শ-অষ্টাদশ শতাব্দীৰ সময়ছোৱাত অসমত বহুলভাৱে দুবিধ লিপিৰ প্ৰচলন আছিল যথা ১)টাই বা আহোম লিপি,ইয়াক 'অসমাখৰ' বুলিও কোৱা হয় ২) পুৰণি অসমীয়া অৰ্থাৎ 'হেন্দুৱান' বা 'হিন্দুঅক্ষৰ' লিপি।

মধ্যযুগীয়া অসমীয়া লিপিক তিনিটা প্ৰধান লিপি বা শৈলীত বিভাজিত কৰিব পাৰি। সেইকেইটা হ'ল---

১)গড়গঞা লিপি: 
ক)আহোম স্বৰ্গদেউসকলৰ ৰাজধানী গড়গাঁওক কেন্দ্ৰ কৰি মধ্যযুগীয়া অসমীয়া সাহিত্য-সংস্কৃতি প্ৰচাৰৰ অৰ্থে এই লিপি ব্যৱহৃত হৈছিল।
খ)এই লিপি সম্পূৰ্ণৰূপে ভৌগোলিক নামকৰণ।
গ)ডঃ মহেশ্বৰ নেওগদেৱে কৈছে যে এই লিপি বৰ সৰল আৰু নৰলঙ্কাৰ।
ঘ)লীলা গগৈৰ মতে ঠ,ন,ল আৰু দুটামান যুক্তাক্ষৰ বাদ দি বাকী আখৰ আধুনিক অসমীয়া আখৰেৰে অভিন্ন।
ঙ)আহোমসকলে টাই বা আহোম ভাষাত বুৰঞ্জীসমূহ লিখিছিল।পিছলৈ অসমীয়া ভাষাক ৰাজভাষাৰূপে গ্ৰহণ কৰাত অসমীয়া ভাষাত বুৰঞ্জীসমূহ লিখিবলৈ আৰম্ভ কৰে। তেতিয়াই টাই লিপিৰ প্ৰভাৱপুষ্ট নিৰলঙ্কাৰ গোট-গোট লিপিয়ে 'গড়গঞা লিপি'ৰ জন্ম দিয়ে।

২)কাইথেলী লিপি: 

ক)পুথি ৰচনা,নকল তথা হিচাপ-পত্ৰ ৰাখিবৰ বাবে কায়স্থসকলে এই লিপি ব্যৱহাৰ তথা সংৰক্ষণ কৰিছিল।
খ)এই লিপিটো সম্প্ৰদায়ভিত্তিকহে।
গ)নামনি অসমৰ কায়স্থসকলৰ ভালেখিনি লোক 'লহকৰ' উপাধিধাৰী হোৱা কাৰণে এই লিপিক 'লহকৰী লিপি' বুলিও জনা যায়।
ঘ)এই লিপিত পাকৰ সংখ্যা অলপ বেছি হ'লেও আখবোৰ 'মুকুতা যেন ফটফটীয়া'।
ঙ)লিখা শাৰীবোৰ সমান সমান ।আখৰবোৰ দীঘল-চুটি হব নোৱাৰে আৰু শাৰীবোৰ বৰ ঘনো নহয়,পাতলো নহয়।
চ)এই লিপিভংগীত ওপৰৰ আখৰৰ টিকনিডাল(উ, ট, ঠ আদি) আৰু তলৰ ৰেখা বা ডাঁৰডাল সোঁফালৰ লম্ব ডাঁৰডালত সংলগ্ন হৈ আলংকৰিকভাৱে বহুখিনি বঢ়াই দিয়া দেখা যায়।
ছ)শব্দবোৰ সাধাৰণতে একেলগে লিখি যোৱা,অৰ্থাৎ শব্দৰ বিভাজন দেখুওৱা নহয়।
জ)ছন্দৰ ৰূপটো স্পষ্ট কৰিবলৈ কোনো কোনো পুথিত ছটা(দুলড়ী) বা আঠটা(ছবি) আখৰৰ অন্তত সমান(=) চিহ্ন দিয়া চকুত পৰে।
ঝ)আখৰৰ কোণসমূহ সুস্পষ্ট।

উদাহৰণস্বৰূপে হস্তীবিদ্যাৰ্ণৱ, শংখচূড় বধ,ব্ৰহ্মবৈৱৰ্ত পুৰাণ আদি পুথি 'কাইথেলী লিপি'ত ৰচিত।

৩)বামুণীয়া লিপি:

ক)সংস্কৃত ভাষা সাহিত্যৰ চর্চাস্থলী 'টোল' বিলাকক কেন্দ্ৰ কৰি পুথি-পাঁজি নকল কৰাৰ অৰ্থে এই লিপি গা কৰি উঠিছিল।
খ)এই লিপি 'অসমীয়া' আৰু 'নাগেৰী' লিপিৰ সংমিশ্ৰণত গঢ় লোৱা লিপি।
গ)আখৰৰ কোণবোৰ কিছু পৰিমাণে বৰ্তুলাকাৰ-কাইথেলীৰ দৰে স্পষ্ট নহয়।
ঘ)কিছুমান আখৰ দেৱনাগৰী গঢ়ৰ যেনে-অ,আ,দ আদি।

মধ্যযুগীয়া এই লিপিসমূহেই আহি কালক্রমত আধুনিক অসমীয়া লিপিৰ জন্ম দিয়ে। ১৮১৩ চনত আত্মাৰাম শৰ্মাই অসমীয়া ভাষাত 'ধৰ্মপুস্তক' লিখি উলিওৱাৰ লগে লগে লিপিৰ মধ্যযুগীয়া স্তৰৰ অৱসান ঘটে।

By,Hemen Sarma
Civil Service School
70024-05918(Telegram/WhatsApp) 
civilserviceschool2018@gmail.com

SUB: ASSAMESE LITERATURE OPTIONAL FOR UPSC-CSE & APSC-CCE.
(Paper 1 of Assamese Literature Optional)
********************************************

Comments

Post a Comment

Popular posts from this blog

West Asian Theatrics(পশ্চিম এছিয়াৰ নাটকবাজী)

West Asian Theatrics (পশ্চিম এছিয়াৰ নাটকবাজী) হেমেন শৰ্মাৰ বিশ্লেষণ। পশ্চিম এছিয়া বুলি ক'লে আৰৱীয় উপদ্বীপ(Arabian Peninsula)ৰ দেশসমূহ,ইৰাণ,ইৰাক, ছিৰিয়া,পূৱ তুৰস্ক,জৰ্জিয়া, আৰ্মেনিয়া,আজাৰবাইজান,ইজৰাইল,জৰ্ডান,পেলেষ্টাইন,চাইপ্ৰাছ আৰু ইজিপ্টৰ চিনাই উপদ্বীপক সামৰি থকা ভূ-খণ্ডক বুজা যায়। এই অঞ্চলটো সদায়ে যুদ্ধ বিধ্বস্ত। ইজৰাইল ৰাষ্ট্ৰ গঠন ১৯৪৬ চনত। দ্বিতীয় বিশ্বযুদ্ধৰ সময়ত হিটলাৰৰ নাজী বাহিনীৰ ক'নচেণ্ট্ৰেচন কেম্পত লাখ লাখ ইহুদীক জাইক্ল'ন-বি গেছ দি হত্যা কৰা হৈছিল।দ্বিতীয় বিশ্ব যুদ্ধৰ সময়ৰ পৰাই ইহুদীসকলে পশ্চিম এছিয়াৰ এই ভূ-খণ্ডত বসবাস কৰিবলৈ আৰম্ভ কৰে।মুছলিম দেশৰ ভিতৰত প্ৰথমতে তুৰ্কী আৰু তাৰ পিছত ইৰাণে ইজৰাইলক স্বাধীন ৰাষ্ট্ৰ হিচাপে স্বীকৃতি দিয়ে। ১৯৭৯ ৰ ইছলামিক ৰিভ'লিউচনে ইৰাণত পশ্চিমীয়া দেশৰ সমৰ্থনপুষ্ট ধৰ্ম-নিৰপেক্ষ পহ্লবী বংশৰ শাসন আঁতৰাই আয়াতোল্লাহ ৰুহোল্লাহ খ'মেইনিৰ অধীনত ইছলামিক শাসন প্ৰতিষ্ঠা হয়। এই শাসনে আমেৰিকা আৰু ইজৰাইলক শত্ৰু জ্ঞান কৰিবলৈ লয়।ইছলামিক ৰিভ'লিউচনৰ ঠিক পিছতেই ১৯৮০-১৯৮৮ চনলৈ ইৰাক-ইৰাণৰ যুদ্ধ হয়।ইৰাণ ছিয়া বসতিপ্ৰধান দেশ।ইৰাকৰ ছাদ্দাম হুছেইনৰ বাথ...
Read more

সাম্প্ৰতিক ঘটনাৱলী/জুন-২০২৫ (Current Affairs,June-2025)

সাম্প্ৰতিক ঘটনাৱলী/জুন-২০২৫ হেমেন শৰ্মাৰ দ্বাৰা প্ৰস্তুত। ১) বিশ্ব স্বাস্থ্য সংস্থাৰ মহামাৰী চুক্তি(WHO Pandemic Agreement): বিশ্ব স্বাস্থ্য সংস্থাৰ এই চুক্তিখনৰ জৰিয়তে মহামাৰী নিবাৰণ তথা মহামাৰী প্ৰতিৰোধৰ বাবে কেনেদৰে সাজু হব লাগিব তথা মহামাৰীৰ সময়ত কি কৰা উচিত,এইবোৰৰ বিষয়ে আলোকপাত কৰা হৈছে। ভাৰত এই চুক্তিৰ স্বাক্ষৰকাৰী।এই চুক্তিৰ এক প্ৰধান  অংগ হৈছে- পেথ'জেন একচেচ্ এণ্ড বেনিফিট শ্বেয়াৰিং চিষ্টেম(PABS)।বিশ্বৰ ৬০ খন দেশে ইয়াত আনুষ্ঠানিক অনুমোদন দিলে এইখন বলৱৎ হব।শেহতীয়াকৈ ২০২৫ চনৰ মে' মাহত ৱৰ্ল্ড হেলথ এচেম্বলী ত এইখন গৃহীত হৈছে। ২) ন্যায়াধীশ যশৱন্ত বাৰ্মাৰ বিৰুদ্ধে মহাভিযোগ(Impeachment)ৰ অভিযোগ সংসদৰ বৰ্ষাকালীন অধিবেশনত উত্থাপনৰ যো-জা চলিছে। For the motion of impeachment to be moved, the resolution requires the support of 50 MPs if it is to be moved in the Rajya Sabha and 100 MPs if moved in the Lok Sabha. The motion of impeachment can be moved in either House. মহাভিযোগৰ প্ৰস্তাৱ ৰাজ্যসভাত উত্থাপন হ’লে ৫০জন সাংসদৰ আৰু লোকসভাত উত্থাপন হ’লে ১০০জন সাংসদৰ সমৰ্থনৰ প্ৰয়োজন। অভিযোগনা...
Read more

সাম্প্ৰতিক ঘটনাৱলী(মে' ২০২৫)/ Current Affairs: March 2025

সাম্প্ৰতিক ঘটনাৱলী (মে' ২০২৫) Join Us: https://t.me/CivilServiceSchool প্ৰস্তুতকৰ্তা- হেমেন শৰ্মা। ১) কেৰালাত আকৌ নিপা ভাইৰাছৰ আবিৰ্ভাৱ হৈছে।এই ভাইৰাছৰ স্বাভাৱিক বাসস্থান হৈছে ফল খোৱা বাদুলী,সেয়ে এইবোৰৰ অধ্যয়ন অতীৱ প্ৰয়োজনীয়।নিপা ভাইৰাছৰ গতি-প্ৰকৃতি নিয়ন্ত্ৰণৰ বাবে জেনেটিক চিকুয়েন্স বা জিনীয় অনুক্ৰমণৰ তথ্য ৰাজহুৱাভাৱে উপলব্ধ হোৱাটো প্ৰয়োজনীয় তেতিয়াহে বাংলাদেশ বা অন্য ঠাইত হোৱা নিপাৰ প্ৰকাৰৰ লগত ইয়াৰ পাৰ্থক্য ধৰিব পৰা যাব। ২) এক দুৰ্যোগ হিচাপে - তাপ প্ৰবাহ(Heat Wave): ভাৰতীয় ৰিজাৰ্ভ বেংকৰ এক সমীক্ষা মতে ২০২৪ বৰ্ষত তাপ প্ৰবাহে ব্যক্তিৰ স্বাস্থ্য আৰু জীৱিকাৰ প্ৰতি ভাবুকি কঢ়িয়াই আনিছে, যাৰ ফলত ভাৰতৰ জিডিপিৰ প্ৰায় ৪.৫% ক্ষতি হৈছে। ৩)আই এম ডিৰ মতে ৫০ বছৰৰ গড় ৮৭ চে.মি.ৰ ৯৬%ৰ পৰা ১০৪% বৰষুণৰ পৰিমাণ ‘স্বাভাৱিক(Normal)’ বুলি গণ্য কৰা হয়। দীৰ্ঘকালীন গড়ৰ ৯০%তকৈ কম বৰষুণক ‘অভাৱী(Deficient)’ বুলি গণ্য কৰা হয়; ৯০%ৰ পৰা ৯৫%ৰ ভিতৰত ‘স্বাভাৱিকৰ তলত(Below Normal)’; ১০৫%ৰ পৰা ১১০%ৰ ভিতৰত ‘স্বাভাৱিকৰ ওপৰত(Above Normal)’; আৰু ১১০%তকৈ অধিক বৰষুণক ‘অতিৰিক্ত(Excess)’ বৰষুণ বুলি গণ্য কৰা হয়। ভাৰতৰ ক...
Read more